Երևանի 33-րդ (Ֆիրդուս) թաղամասի APEX ընկերության կողմից կառուցապատվող համալիրը բաղկացած է լինելու չորս 8 հարկանի մասնաշենքերից, որոնց առաջին և երկրորդ հարկերը լինելու են առևտրա-հասարակական նշանակության, միևնույն ժամանակ նախագիծը ներառում է երկու երկհարկ առանձին հուշարձան-շենքերի կառուցում։
APEX ընկերության նպատակն է ստեղծել ժամանակակից, հարմարավետ բնակելի համալիր` դարձնելով այն հասարակական ժամանցի կարևոր կենտրոն։ Բոլոր բնակելի շենքերը համալրված են բազմաստիճան անվտանգության համակարգերով՝ ներառելով ընդհանուր օգտագործման տեսահսկման համակարգ բնակելի և հասարակական վայրերում։ Ա մասնաշենքի շինարարական աշխատանքներն արդեն իսկ ընթանում են, իսկ Բ, Գ մասնաշենքերի նախագծման աշխատանքները փորձաքննության փուլում են։ Շենքերը կառուցվելու են Էներգախնայողության A+ դասի։
Շինարարական աշխատանքներն իրականացվում են «ՄԼ ՄԱՅՆԻՆԳ» ընկերության կողմից, նախագծման աշխատանքները՝ Նարեկ Սարգսյան Ճարտարապետական Արվեստանոցի կողմից։ Շինարարության ավարտը նախատեսվում է 2025թ․-ի ընթացքում։
